Loyiha Korrupsiyaga qarshi kurashish agentligi direktoriga taqdim etildi

Avval xabar berganimizdek, “Qishloq infratuzilmasini rivojlantirish” loyihasi doirasida Andijon, Farg’ona va Namangan viloyatlarida Jahon bankining xalqaro konsultati ishtirokida jamoa safarbarligi bo’yicha mashg’ulotlar davom etmoqda. Joriy yilning 14 iyul kuni Loyihani amalga oshirish jarayoni bilan tanishish doirasida O'zbekiston Respublikasi Korrupsiyaga qarshi kurash agentligining direktori A.E.Burxanov Farg'ona viloyatida bo'lib o'tayotgan o'quv seminarida ishtirok etdi. Shu bilan birga, u yerda Loyihani amalga oshirish guruhi direktori Z.Urakov tomonidan tayyorlangan loyiha doirasida amalga oshirilayotgan ishlar bo’yicha taqdimot ham namoyish etildi. Xususan, Z.Urakov tomonidan “Qishloq infratuzilmasini rivojlantirish” loyihasining maqsadi - asosiy infratuzilma va ijtimoiy ob'ektlarni yaxshilashga yangi yondashuvni qo'llash ekanligini ta'kidladi. Shu bilan birga, loyiha qishloq aholisining keng ishtirokini ko'zda tutib, shaffoflik va hisobdorlikni ta'minlashga qaratilgan. Shuningdek, Andijon viloyati Paxtabod tumani “Sohil” MFYda 264 o’rinli va Jizzax viloyati Baxmal tumani “Saroy” MFYda 220 o’quvchiga mo'ljallangan 2ta zamonaviy maktabni qurish bo'yicha loyihalar taqdim etildi. Ayni paytda, qurilish-ta'mirlash ishlari uchun pudratchini aniqlash jarayoni davom etayotgani haqida xabar berildi. Shu bilan birga, bu tadbirlar davomida Jahon bankining mutaxassisi ham ishtirok etdi. Bundan tashqari, loyiha doirasida Jizzax va Sirdaryo viloyatlari qishloqlarida toza ichimlik suvi bilan ta'minlash, elektr ta'minoti tizimlarini yaxshilash, ichki ko'chalarni ta'mirlash, ko'priklar qurish, shuningdek, chiqindi suvlarni quritish (mavjud drenajni qayta ta’mirlash) kabi 25 ta tegishli subloyihalar aniqlanganligi ta'kidlandi.