Sirdaryo va Jizzax viloyatlarida jamoa safarbarligi jarayonlari

Bugungi kunda "Qishloq infratuzilmasini rivojlantirish" loyihasi doirasida Jizzax viloyatining Zomin, Forish, Yangiobod va Sirdaryo viloyatining Sardoba va Xovos tumanlaridagi tanlangan qishloqlarda jamoa safarbarligi ishlari davom etmoqda. Bu jamoa safarbarligi ishlari jarayonida Qishloq fasilitator va muhandislari tomonidan aholi ishtirokida farovonlik tahlili va qishloq resurslar xaritalari bo’yicha belgilangan vazifalarni amalga oshirish rejalashtirilgan. Bundan tashqari, Vaqtinchalik mahalla taraqqiyot guruhi a’zolari va qishloq yoshlar vakillari ishtirokida ta'lim tahlillari o'tkaziladi. Shuningdek, aholi orasida salomatlik tahlillarini o’tkazish bo'yicha ishlar rejalashtirilgan bo'lib, ularning maqsadi qishloq joylarida ko’p uchraydigan asosiy kasalliklar va muammolar, ularning oqibatlari, bolalarga ta'siri, shuningdek yuzaga kelishining mavsumiyligi va ularni hal qilish bo'yicha takliflarni aniqlashdir. Ushbu tahlillar natijasida ta'lim, sog'liqni saqlash va mavjud muammolar bo’yicha jadvallar tuzilib, shu asnoda mahalliy aholi ishtirokida sabablari va oqibatlarini aniqlash rejalashtiriladi.