Jizzaxdagi jamoa safarbarligi jarayonlari haqida

Bugungi kunga qadar, Jizzax shahri loyihani amalga oshirish hududlararo guruhi mutaxassislari Jizzax viloyati Baxmal tumanidagi 8ta mahallalarga “Qishloq infratuzilmasini rivojlantirish” loyihasini tanishtirish va Vaqtinchalik-mahalla taraqqiyot guruhini tashkil etish maqsadida tashrif buyurdilar. Uchrashuv davomida Loyihaning maqsadi, asosiy tamoyillari va boshqa muhim ma’lumotlar taqdim etildi. Loyihaning o’ziga xos tomonlari, xususan, hududlardagi infratuzilma bo’yicha kichik loyihalarni tanlash va qaror qabul qilishda aholini faol ishtirokiga asosiy urg’u berilganligi ta’kidlab o’tildi. So’ngra, aholi vakillari orasidan loyihani amalga oshirish davomida hamkorlik qilish va jamoa safarbarligi ishlarida ko’maklashish uchun Vaqtinchalik-mahalla taraqqiyot guruhlari saylandi.