"Jamiyat tomonidan boshqariladigan rivojlanish tamoyiliga asoslangan transformatsion yetakchillik" trening loyihasi bo'yiha uchrashuvi

Kecha, Jahon bankining tashabbusi bilan O'zbekiston Respublikasining "Qishloq infratuzilmasini rivojlantirish" loyihasi vakillari va Qirg'iziston Respublikasining Jamiyatni rivojlantirish va investitsiyalashtirish agentligi (ARIS), Qishloq investitsiyalari loyihasi va Jamiyatni qo'llab-quvvatlash loyihasi vakillari o'rtasida qo'shma tanishuv uchrashuvi bo'lib o'tdi. Uchrashuvda Jahon banki vakili Helen Liu yig'ilish ishtirokchilariga "Jamiyat tomonidan boshqariladigan rivojlanish tamoyiliga asoslangan transformatsion yetakchillik" trening loyihasini taqdim etdi. Loyiha vakillari qishloq jamoalarida bunday treninglar o'tkazishning ahamiyati va zarurligini ta'kidladilar, bu loyihalarning gender tengligi tamoyillariga mos keladi va qishloq aholisi uchun o'z salohiyatini ro'yobga chiqarish imkonini beradi. Shuningdek, jamoatchilik yig'ilishlarida o'z fikrini ifodalash va rahbarlik lavozimlarida o'z imkoniyatlarini kengaytirish masalalarida ayollarning shaxsiy rivojlanishiga yordam beradi. Jahon banki tomonidan ijtimoiy rivojlantirish bo'yicha katta mutaxassisi Robert Vrobel O'zbekiston va Qirg'iziston loyihalari vakillariga qishloq jamoalari bilan ishlash bo'yicha tajriba almashish uchun qo'shma uchrashuvlar o'tkazishni taklif qildi. Jahon banki vakillarining tashabbusi bir ovozdan qo'llab-quvvatlandi. Uchrashuv yakunida tomonlar "Murabbiylar uchun trening" shaklida yetakchilik bo'yicha tayyorgarlik uchrashuvlari o'tkazish to'g'risida kelishib oldilar.