Jizzax viloyati “Saroy” qishlog‘idagi 86-maktabning (sobiq 30-maktab filiali) ochilish kuniga bag‘ishlangan ishlar qizg‘in davom etmoqda

Ushbu kunlarda Jizzax viloyatidagi “Saroy” qishlog‘ining barcha aholisi “Qishloq infratuzilmasini rivojlantirish” loyihasining hududiy xodimlari bilan birgalikda yangi maktab hududini obodonlashtirish uchun birlashdilar. “Qishloq infratuzilmasini rivojlantirish” loyihasi doirasida Jahon banki hamda Osiyo infratuzilmaviy investitsiyalar banki tomonidan moliyalashtirilgan Jizzax viloyati Baxmal tumanidagi “Saroy” mahallasida 2021-yil noyabr oyidan boshlab 30-sonli maktab filialini rekonstruksiya qilish va jihozlash bo‘yicha ishlar amalga oshirildi. Maktab filialining yangi binosi 220 (141 dan ortiq) o‘ringa mo‘ljallanganligini inobatga olib, Jizzax viloyati Baxmal tumani Hokimligi tomonidan maktab filialiga to‘laqonli 86-sonli maktab maqomi berilishi to‘g‘risida qaror qabul qilindi.